Xebat Şakir tarafından seslendirilen Bigri eserinin kürtçe şarkı sözleri ve türkçe çevirisine buradan ulaşabilirsiniz.Bigrî eserini seslendiren diğer tüm kürt sanatçıların videolarını da buradan izleyebilirsiniz.
Bigri Kürtçe Sözleri
Bigrî…
ta rondik bibin xwîn,
û…
bê bextîya evînê,
û…
dilê siwarê nezanî
û serhişkîya te
bimîne bê xwîn.
Bigrî, bigrî û bigrî,
heta rondik bibin xwîn
qîrîn bibin nalîn,
û…
mirî barke bê terqîn û yasîn.
Li ser wî tifalî bigrî,
yê ku ji serserîtyên we ne agehdara,
û…
ji bihevçûnên we tim bê ware,
Li ser ciwanîya
ku li ber pêlên têkçûnan diçe û
bi nezanîyê bergor dibe.
Bigrî, bigrî û bigrî,
heta rondik bibin xwîn,
qîrîn bibin nalîn û
mirî barke bê terqîn û yasîn.
Bigrî,
li ser wî dilê
ku qîmetê evînê nizane,
û qedera malbatekê
tune û bergor dike,
li ber awazên
qirika birîndar,
tifala xwe bilorîne,
û…………………………………
deydîka têkçûna malbata xwe
bihejîne.
Bigrî û têra xwe bigrî,
heta rondik bibin xwîn
qîrîn bibin nalîn û
mirî barke bê terqîn û yasîn.
Bi ser
dahatiwa xwe de,
bi ser,
evîna ku di xilmaşîya şevê de
bê war dibe,
bigrî û bigrî bê rawestan,
hêlîna evînê
bê dost û heval
berî dide gorstanê êş û azaran,
her kes dûrî te,
awaza têkçûna we dixwînin,
û govenda mirina evînê
digerînin.
Bigrî, bigrî û bigrî
heta rondik bibin xwîn û
qîrîn bibin nalîn û
mirî barke bê terqîn û yasîn.
Li pey hev rêzbûne
yên ku êzinga davêjin
nav agirê kezeba te,
û bizmarên dawî,
li darbesta evîndarîya te dixin
bigrî, bigrî û bigrî
şîretkarê wî kore
têgehiştina wî zore,
bigrî,
belkî tu bi sûlavên hêstiran
vê reva agir vemrîne û
hestan lê vegerîne.
Bigrî, bigrî û bigrî
heta rondik bibin xwîn û
qîrîn bibin nalîn û
mirî barke bê terqîn û yasîn.
Ji bo bêrîbûna wî tifalî bigrî
ew ê ku
li ber
lehîya nezanîya malbatê diçe
û wê çav sist bimîne heya mirinê.
Bikenê wî tifalî re bigrî,
li ser şeş mehîya wî bigrî,
di destpêka buhara wî de,
di ecacoka êş û azaran de,
dihûnin,
bigrî dibe tu landika wî,
sibe vala bihejîne.
Ji bo hêlek,
ji dil ken û buhara wî,
sêwî nemîne û
hînî gotina bavo û yadê bibe.
Bigrî, bigrî û bigrî
heta rondik bibin xwîn
qîrîn bibin nalîn û
mirî barke bê terqîn û yasîn.
Bes bike lavlav ji wî bê dilî
dilê siwarê hêvîyên te
ji zû de mirîye û
nema li te vedgere û
ji hêlana te sil bûye.
Bigrî, bigrî û bigrî
heta rondik bibin xwîn û
qîrîn bibin nalîn û
mirî barke bê terqîn û yasîn.
27. 09. 2006 Oldenburg / Elmanya
